| تصدقو ان خوفو كان اهلاوى | |
|
|
كاتب الموضوع | رسالة |
---|
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: تصدقو ان خوفو كان اهلاوى الأربعاء فبراير 24, 2010 8:39 am | |
| خوفو كان اهلاوي وعلشان كده خد أكبر هرم في العالم ومصر
اما خفرع الأصغر منه شويه كان زملكاوي وعلشان كده خد الهرم اللي بعده علطول
اما منكرع فعلشان كان اتحاداوي اسكندراني فحطوه على بداية طريق مصر اسكندرية الصحراوي
وقدموله الهرم الثالث في مصر
والقصه دي بتبين لنا مدى شعبية الاهلي والزمالك والاتحاد في زمن الفراعنة
علشان كده بنوا ليهم 3 اهرامات وماكنش لسه في انديه تانيه طلعت غير التلاته دول
ولا انبي ولا اسماعيلي ولا حتى طلائع الجيش !
كان يجي الماتش بتاع الاهلي والزمالك وتلاقوا طيبة كلها مش على بعضها
وكل فرعون او فرعونه ينزلوا من على الاهرامات ويطلعوا من التوابيت
ويطلعوا يجروا على السينما الموحده الكبيره ( ماكنش لسه في تليفزيون )
او كانوا بيتفرجوا بالوصله وهما في المعابد بتاعتهم بيشربوا بردي ( شيشه فرعوني )
كان الفراعنه بيحبوا تعليق علاء صادقع ومحمود بكرع وأمون رع ( واحد فرعوني زي تريكه كده )
مره منتخب الفراعنه كان بيلاعب منتخب الهكسوس والدنيا كانت مقلوبه في تصفيات كأس العالم
كانت ساعتها الكوره في العالم في 5 دول بس : الفراعنه ابطال العالم ومنافسهم اللدود الهكسوس
والرومانيين والفرس والعرب
والهكسوس دخلت فينا جون بدري على ارضنا
وفاجأه لاقينا جماهير خوفو ( الاهلي ) بتشتم في شحاتايزييس وبتحدفه بالموز في الملعب
وفاجأه لاقينا جماهير خفرع ( الزمالك ) بيشتموا في حضري أتون وبيحدفوه بالبصل
وملحوظه ان شحاتايزييس كان مساعد المدير الفني أبو الهول
لان ابو الهول هو اللي كان ماسك منتخب الفراعنه ساعتها
وحضري أتون بعد الماتش احترف في الهكسوس بعد تألقه ومات مدفون في تابوت هربان لليونان
واليوم ده في التاريخ اصلا كان سبب الحرب بين الفراعنه والهكسوس
علشان فيه قشرة موزه جات غلط على أفا واحد من مشجعي الهكسوس
وطبعا انتم عارفين أحمس عمل ايه فيهم ( يقال ان تريكه من سلالة أحمس * )
والحمد لله ان الفراعنه قدروا يحولوا الهزيمه الى نصر والجماهير الاهلاويه الزملكاويه
بدل ما ينزلوا يحتفلوا : نزلوا الملعب يضربوا في اللاعيبه وفي بعض
وكان القطرين ساعتها قطر زملكاوي تبع كاكد الكاندور وقطر اهلاوي تبع تريكيكا
قطر الاهلي كان فودافون ومشروبهم البيبسي وقطر الزمالك كان موبينيل ومشروبهم الكوكاكولا
المهم ان البلد كان كلها تعصب للساحرة المستطيلة
وعلشان التعصب ده كان اي لاعب يتنقل من خوفو لخفرع كانوا بيقتلوه ويحطوه في تابوت
والعكس صحيح وعلشان كده لاقينا العديد من المومياوات للفراعنه من عصر خوفو وخفرع
ولكن في نهاية عصر الفراعنه اراد الحاكم ان يقضي على كل ما هو متعصب
فبنى الاهرامات الثلاثه ودفن كل مشجعي الانديه الثلاث في مصر فيها
ومافضلش منهم غير واحد بس كان مسافر وعلشان كده الفراعنه كلهم اسرار ماحدش عارفها
المهم علشان مانخرجش بره الموضوع
ان الواحد المسافر ده الناجي الوحيد منهم التاريخ لم يحدد هويته
فيه برديات بتقول انه كان اهلاوي
وفيه برديات بتأكد انه كان زملكاوي
اما المعابد فكتبت انه كان مالهوش فيها ولكنه لما رجع تعصب من ما حدث للشعب
وقرر ان يشجع الاهلي ومراته أعترضت وطلعت زملكاويه ومن هنا عاد الصراع مره اخرى !
ولكن بفكر حديث ومن ثم بدأ عهد المماليك والتاتار وقطز ومحمد علي
وانتشرت شعبية الاهلي والزمالك اكثر واكثر
حتى وصلنا لعهد السيد الرئيس محمد حسني مبارك موحد القطرين ( الاهلي والزمالك مع بعض في مدينه واحده هي القاهره !! ! )
ويقال في نشرات الاخبار انه اهلاوي وابنه زملكاوى | |
|
| |
مرجن عضو جديد
عدد المساهمات : 71 تاريخ التسجيل : 17/01/2010
| موضوع: رد: تصدقو ان خوفو كان اهلاوى الأربعاء فبراير 24, 2010 8:55 am | |
| هههههههههههههههههه شكرا على المعلومة اللطيفة دى بس الاهلى هرم مصر الرابع | |
|
| |
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: رد: تصدقو ان خوفو كان اهلاوى الأربعاء فبراير 24, 2010 10:48 pm | |
| بس انا خوفو بقى للاهلى يضيع الدورى السنادى | |
|
| |
we7yat 3eniek عضو مبدع
الاوسمة : عدد المساهمات : 286 تاريخ التسجيل : 17/01/2010 المزاج : عااااااااااالى
| موضوع: رد: تصدقو ان خوفو كان اهلاوى الخميس فبراير 25, 2010 6:13 am | |
| | |
|
| |
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: رد: تصدقو ان خوفو كان اهلاوى الخميس فبراير 25, 2010 6:28 am | |
| | |
|
| |
Nazert 3eniek عضو مبدع
الاوسمة : عدد المساهمات : 230 تاريخ التسجيل : 03/02/2010 المزاج : Volatile
| موضوع: رد: تصدقو ان خوفو كان اهلاوى الخميس فبراير 25, 2010 11:53 am | |
| ههههههههههه شكرا معلومات جاااامده تسلم ايدك | |
|
| |
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: رد: تصدقو ان خوفو كان اهلاوى الخميس فبراير 25, 2010 1:30 pm | |
| | |
|
| |
nour_3niy مشرفة قسم
الاوسمة : عدد المساهمات : 398 تاريخ التسجيل : 17/01/2010 المزاج : الحمد الله
| موضوع: رد: تصدقو ان خوفو كان اهلاوى السبت فبراير 27, 2010 7:56 am | |
| هههههههههههه شكرا ليك اكتير على المعلومه انا فعلا اول مره اعرف المعلومه دى تسلملى | |
|
| |
نور الهداية ادارية
الاوسمة : عدد المساهمات : 724 تاريخ التسجيل : 17/01/2010 المزاج : فرحانة
| موضوع: رد: تصدقو ان خوفو كان اهلاوى الجمعة مارس 05, 2010 8:14 am | |
| | |
|
| |
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: رد: تصدقو ان خوفو كان اهلاوى الجمعة مارس 05, 2010 8:48 pm | |
| لا عندنا تلاقو الجديد ههههههههه احنا مثقفين اوى | |
|
| |
zayan المدير العام و موسس المنتدى
عدد المساهمات : 542 تاريخ التسجيل : 25/10/2009 المزاج : عال ال عال
| موضوع: رد: تصدقو ان خوفو كان اهلاوى الأحد مارس 07, 2010 5:52 am | |
| هههههههههههههههه يا راجل دى طلعت مصر الفرعونيه صعبه اوى هههههههههههههههه
| |
|
| |
kholo مشرف قسم
عدد المساهمات : 330 تاريخ التسجيل : 23/01/2010 المزاج : مرح
| موضوع: رد: تصدقو ان خوفو كان اهلاوى الأحد مارس 07, 2010 5:58 am | |
| واحنا اللى فاكرين اننا مش عارفين نعيش | |
|
| |
| تصدقو ان خوفو كان اهلاوى | |
|