&&&&& ع القهوه &&&&&&تعاملك ع الانترنت

السلام عليكم ورحمه الله وبركاته
^^^^^^^^^^^
اهلا وسهلا بكم
في
قهوه منتدي قسم التاريخ طنطا


&&&&& ع القهوه &&&&&&



في ناس كتير

شباب وبنات

ادباء وقراء

بتدور بينهم
نقاشات وحوارات كتير في كل المجالات

هنا
هناقش كل المواضيع

هنتقبل الراي والراي الاخر

وكل فتره هيكون معانا موضوع نتكلم ونتناقش فيه



يلا قولو رايكم عشان نبدا ونعمل الافتتاح
واتمني ان الموضوع يعجبكم

رائع يا كبير

فكرة هايلة
يالة ورينا مواضيعك

تسلملى على موضوعك اكتير رائع
وفكره حلو اكتير
ويارب يكون فيها تفاعل

فكره جميله والله
ياريت كله يشارك

هما دول بس اللى موافقين ع الفكره ولا ايه؟؟؟
ع العموم
نبدا افتتاح القهوه


.............
واول موضوع احب نبدا بيه
بما اننا ع القهوه
هنبدا ب

كلام الناس
هل تهتم لكلام الناس
ولا كلام الناس عندك عادي وبتقول ما هم دايما بيتكلمو علي اي حد
والناس مش بتعجبها حاجه
بتهتم الناس هيقولو ايه علي اسلوبك في اللبس واسلوبك في التعامل

............................
وادعوكم لتناول فنجان قهوه معا ونتناقش

انت ملكش حل
موضوع جااااااااااامد والله
الناس ما بتسبشى حد فى حالة لية مش عارف ولا عاجبهم تصرفاتك ولا لبسك ولا............حاجات كتير
بس كلام الناس لا بيقدم ولا ياخر ملاما وغيرا ش اكتر
اسمع جورج فى كلام الناس
ربنا يستر علينا

we7yat 3eniek كتب:

انت ملكش حل
موضوع جااااااااااامد والله
الناس ما بتسبشى حد فى حالة لية مش عارف ولا عاجبهم تصرفاتك ولا لبسك ولا............حاجات كتير
بس كلام الناس لا بيقدم ولا ياخر ملاما وغيرا ش اكتر
اسمع جورج فى كلام الناس
ربنا يستر علينا

ومصطفى اول زباين القهوه
هو دخل ع طول ماقلش يشرب ايه
بس انا نزلتله ناسكافيه اول مره بس عزومه
ماتخدش ع كده
..............................
واتكلم عن رايه ف كلام الناس
وقالت انه لا بيقدم ولا بياخر

طب سؤال يا درش
بيفرق معاك كلام الناس؟؟؟؟

يلا مين تانى

سورى يادرش
كل واحد يتلخبط مره
انا بتلخبط فيكم انتو الاتنين والله
الاسامى قريبه من بعض

ولا يهمك

مش هاتجاوب ع السؤال ولا ايه
بيفرق معاك كلام الناس؟؟

مش في كل الاوقات
بس اللى انا شيفه صح وهما غلط ولا يفرق معايا

موضوع جميل اوى بصراحه

الناس مش بتخلى حد ف حاله
ولا عاجبها الحلو ولا حتى الوحش
كدا كدا بتكلم
مش وراها شغلانه غير الكلام

اهلا بالزباين اللى مش هاينفعونا
مش طلبتى حاجه ليه يابشمهندسه
......................
كلامك زى الفل
شكرا عالرد

مش معايا فلوس
بس المره الجايه هبقى اطلب ميه ساقعه

Nazert 3eniek كتب:

مش معايا فلوس
بس المره الجايه هبقى اطلب ميه ساقعه

ممكن شكك
وبعدين النهارده مجانا بمناسبه الافتتاح

الناس ديما بتكلم على بعض من ورا التانى
ومش بيعجبها اى حاجه
حتى اللبس بتكلم عليه
وعلى راى المثل
كل اللى يعجبك والبس اللى يعجب الناس
عشان الناس مش بيعجبها اى حاجه حتى اللبس كمان مش سيباه ف حاله بتكلم عليه
بس طالما الواحد مش بيغضب ربنا واهله ف تصرفاته وسلوكه و لبسه و.......
يبقى ميهموش كلام الناس
عشان الناس هتتكلم هتتكلم

نورتى القهوه
شكرا ع الرد

ازيكوا يا احلى صحبه
على احلى قهوده للمنتدى التاريخ
الاول كدا عشان البشمهندس احمد
بيزعل اوى لما اى حد مش بيدخل يطلب حاجه
انا بطلب واحد عصير ليمون عشان اروق كدا
المهم ندخل فى الموضوع
اولا انا مش بهتم بكلام الناس خالص لانى طول ما انا مش بعمل حاجه غلط
وانا عارفه سلوكى والحمد الله انا مش بعمل حاجه تغضب ربنا منى
خلاص اللى بيتكلم يتكلم
بس اوقات اكتير اللى بيخلينى اضايق كتير من كلامهم
انهم بيتكلموا فى عن الناس من وراهم وبيقولوا كلام اكتير مو كويس
انا مو بعرف السبب اللى بيخليهم يضيعوا وقتهم فى الكلام عن الناس
بدل اما كل واحد يقول شئ عن التانى ليه مش يفكروا الاول فى نفسهم
ممكن الكلام اللى بيقولوا على الناس بيكون هو فيهم اصلا
بس للاسف ان الواحد عمره ما بيطلع فى نفسه عيب
وياريتهم يبطلوا نم بقا على الناس ويسبوهم فى حالهم
وهو كمان يشوفوا حالوهم ويرجعوا الى ربنا ويهديهم يارب
اه مش تنسى تقول العصير بكام

nour_3niy كتب:

ازيكوا يا احلى صحبه
على احلى قهوده للمنتدى التاريخ
الاول كدا عشان البشمهندس احمد
بيزعل اوى لما اى حد مش بيدخل يطلب حاجه
انا بطلب واحد عصير ليمون عشان اروق كدا
المهم ندخل فى الموضوع
اولا انا مش بهتم بكلام الناس خالص لانى طول ما انا مش بعمل حاجه غلط
وانا عارفه سلوكى والحمد الله انا مش بعمل حاجه تغضب ربنا منى
خلاص اللى بيتكلم يتكلم
بس اوقات اكتير اللى بيخلينى اضايق كتير من كلامهم
انهم بيتكلموا فى عن الناس من وراهم وبيقولوا كلام اكتير مو كويس
انا مو بعرف السبب اللى بيخليهم يضيعوا وقتهم فى الكلام عن الناس
بدل اما كل واحد يقول شئ عن التانى ليه مش يفكروا الاول فى نفسهم
ممكن الكلام اللى بيقولوا على الناس بيكون هو فيهم اصلا
بس للاسف ان الواحد عمره ما بيطلع فى نفسه عيب
وياريتهم يبطلوا نم بقا على الناس ويسبوهم فى حالهم
وهو كمان يشوفوا حالوهم ويرجعوا الى ربنا ويهديهم يارب
اه مش تنسى تقول العصير بكام

نورتى القهوه
وكويس ان الواحد مش يهتم بكلام الناس
بس مش للدرجه دى
من كلام الناس الواحد ممكن يقتنع انه اللى بيعمله ده غلط
ويراجع نفسه
بس طالما الواحد واثق انه صح
مش مهم كلام الناس

بس القهوه نورت والله

شكل الزباين رجليهم خفت م القهوه
نشطب بقى
على ان نلتقى ف قعده تانيه
انتظروا خلال يومين

zayan كتب:

ليه القهوه وقفت كده فى تصليحات ولا الشاى والسكر خلصم على العموم انا جبت التومين معايا
وموضوع اكتر من رائع وسيتم التثبيت فورااا
واسف على التاخير

ايه يازعيم
انت جاي بعد ماشطبنا؟؟؟
طب الحق ناقش بقى قبل مافتح من جديد

انا قولت النهارده الجمعه والناس كتير بتنزل القهوه
قلت الحق الزباين من الصبح كده
ونرجع تانى القهوه نتكلم عن...
الصديق
الصديق هو الذي يأتيك دائما حتى عندما يتخلى الجميع عنك

هل تعتقد ان هناك صديق حقيقي فعلا
وهل تصدق هذه المقوله
واي الاصدقاء انت
هل لديك صديق يستحق ان تضحي من اجله
وما حدود هذه التضحيه؟؟؟؟
ام انك ستضحي بكل ما تملك ولا حدود لتضحيتك

والان ادعوكم للنقاش

ونحن نحتسي فنجان قهوه
يعنى محدش يطلب

zayan كتب:

طب انا مش بحب القهوه
ممكن اطلب 5 نسكافيه
*******
والله المقوله صحيحه بس فى الوقت الحالى الصديق بيكون صديق مصلحه
يعنى لما تكون فى سعاده يسعد معاك
ولما تكون فى حزن يسيبك مع نفسك
ياعم هو ناقص هم وغم وحزن مع نفسك
بس لو عندى الصديق الحقيقى انا ابيع الدنيا كلها علشان خاطره
يعنى هضحى بكل ما املك
بس لو كان دا الصديق الحقيقى

نورت القهوه
واول الزباين اللى خسرنا حق القهوه
بس اكيد كل واحد ليه ع الاقل صديق حقيقى اللى يبيع الدنيا عشانه
والباقى يكون مصالح

انا قهوتى سكر زياده

المقلوة هيا فعلا صحيحه وفى
فعلا اصدقاء حقيقين لكن مش معظم
الناس ليها اصدقاء حقيقين ونادرا
لما تلاقيهم فى الزمن الى احنا عايشين
فيه زمن كله بيدور على مصالحه زمن فيه
ان ممكن الصديق يبيعك عشان خاطر مصلحته
ولو فى صديق حقيقى انا افديه بالدنيا والى فيها

Mlak_Ro7y كتب:

انا قهوتى سكر زياده

المقلوة هيا فعلا صحيحه وفى
فعلا اصدقاء حقيقين لكن مش معظم
الناس ليها اصدقاء حقيقين ونادرا
لما تلاقيهم فى الزمن الى احنا عايشين
فيه زمن كله بيدور على مصالحه زمن فيه
ان ممكن الصديق يبيعك عشان خاطر مصلحته
ولو فى صديق حقيقى انا افديه بالدنيا والى فيها

نورتى القهوه
وعندك حق
بس مش معقول ان فيه واحد مش ليه حتى صديق واحد وفى

المقوله طبعا صح
بس قليل اوى لما نلاقى صديق حقيقى ف ايامنا دى
معظم الصداقه دلوقتى صداقه مصلحه وبعد كدا ولا كانه صحبك او يعرفك
وبيبان الصديق الحقيقى لما تكون عندك مشكله تلاقيه اول واحد يقف معاك وميتخلاش عنك مهما كان
معاك ف الحزن قبل الفرح
مش يبيعك ويسيبك
اما يكون عندى صديق بجد عمرى ما اتخلى عنه ولازم اضحى عشانه بكل حاجه
وبعدين
الصداقه كنز لايفنى
الصداقه الحقيقيه طبعا مش ال اى كلام

هو فعلا ممكن ميكونش فى حد ملوش
صديق وفى لكن انا ليه اصدقاء
كتير بس لسه مقبلتش الصديق
الحقيقى فعلا

Nazert 3eniek كتب:

المقوله طبعا صح
بس قليل اوى لما نلاقى صديق حقيقى ف ايامنا دى
معظم الصداقه دلوقتى صداقه مصلحه وبعد كدا ولا كانه صحبك او يعرفك
وبيبان الصديق الحقيقى لما تكون عندك مشكله تلاقيه اول واحد يقف معاك وميتخلاش عنك مهما كان
معاك ف الحزن قبل الفرح
مش يبيعك ويسيبك
اما يكون عندى صديق بجد عمرى ما اتخلى عنه ولازم اضحى عشانه بكل حاجه
وبعدين
الصداقه كنز لايفنى
الصداقه الحقيقيه طبعا مش ال اى كلام

نورتى القهوه
وشكرا ع الكلام الحلو اوى ده

Mlak_Ro7y كتب:

هو فعلا ممكن ميكونش فى حد ملوش
صديق وفى لكن انا ليه اصدقاء
كتير بس لسه مقبلتش الصديق
الحقيقى فعلا

انا مش متخيل حياتك عامله ازاى
فعلا صعب جدا ان الواحد يعيش من غير انتيم
يفضفضله..ويشكيله همه..ويساله ازاى يتصرف ف المشاكل
صدقينى
حاولى تشوفى صديق وشوفى الفرق ف فالحياه

هيا فعلا حياة صعبة
لكن الواحد بيحاول
يتخطاها لكن لما الاقى
صديق حقيقى فعلا حياتى
هتكون احسن بكتير

وبنرجع تاني
&&&&& ع القهوه &&&&&&

ونتكلم عن موضوع جديد هو
انا مش عارف اضع له عنوان

بس الموضوع اللى بنتكلم فيه النهارده كلنا عارفينه وعايشينه وده افضل من انى اضع الف عنوان


كلنا طبعا شباب وفتيات لينا ايميل ولينا فيس بوك
ومشتركين ع منتديات وبنتعامل مع ناس كتير
شئ طبيعي جدا

بس لازم يبقى فيه حدود
بقينا نشوف البنات والشباب بيكلمو بعض ع اليميل كلام انا انكسف اقوله
والكاميرات شغاله دون حياء
وهزار قبيح وسئ للغايه


عايزين دلوقت كل واحد بصراحه يكلمنا عن رايه ف الظاهره دى
وازاى نحافظ ع نفسنا م الحجات دى؟
وانت كشاب لو كلمت فتاه من هذا النوع تقبلها صديقه لك؟؟؟
وانتى كفتاه لو كلمكى شاب طلب منكى هذا ستقبليه؟؟؟

طبعا كل واحد هايعمل محترم ويقول (لا طبعا عمرى ماعمل كده)
طيب هاتعمل ايه ؟؟؟؟
والسؤال لكل شاب
ليه اول حاجه بيطلبها من البنت لما يكلمها ع منتدى ولا الفيس الايميل؟؟؟؟

والسؤال لكل فتاه
ليه الاستسلام ع طول وتقوليلهم(اتفضل ايميلى .....@....com)


ونوصل لمرحله جديده
تقبل ان تتزوج فتاه تعرفت عليها ع الانترنت
او تقبلى بزوج تعرف عليكى ع الانترنت

ماذا تفعل لو صادفك ان عرفت ان خطيبتك اللى هاتتجوزها كمان شهر كان ليها علاقات ع الانترنت


واخيرا
نوصل للسؤال الاساسي ف الموضوع ده كله
هل تحكم على الشخصيه اللى انت بتكلمها من خلال التعامل على الانترنت فقط
يعنى تعتبر نفسك علشان عرفت شخص ع الانترنت كانك تعرفه ف الحقيقه

والان دعونا نناقش بكل صراحه

وادعوكم بتناول قهوتنا كالعاده
ع القهوه مع م_احمد الخولى .................. الحياه احلي
ويلا نشوف مين هيحجزوا اول تربيزه معانا ع القهوه

شكرا اكتير على هيد الموضوع
هو فعلا موضوع يستحق النقاش
وانا بحجز اول تربيزه فى القهوه
وبدى اطلب واحد كوفى ماكس
ونوصل لمرحله جديده
تقبل ان تتزوج فتاه تعرفت عليها ع الانترنت
او تقبلى بزوج تعرف عليكى ع الانترنت
طبعا انا عمرى ما هوافق انى اتزوج من شخص اتعرفت عليه من على النت
لانى مو بعرف شخصيته مهما ان كان اتكلمت معاه
وكمان انا اكتي بقتنع ان الجواز من طريق النت
عمره ما بيكون حياه مستره بيناتهم
نوصل للسؤال الاساسي ف الموضوع ده كله
هل تحكم على الشخصيه اللى انت بتكلمها من خلال التعامل على الانترنت فقط
يعنى تعتبر نفسك علشان عرفت شخص ع الانترنت كانك تعرفه ف الحقيقه
هو ممكن تحكم على الانسان دا من خلال طريقه كلامه
بانه اكتير محترم وتكون عنه شخصيه فى خيالك
بس ممكن من طريقه كلامه تنخدع فيه
بس مش فى كل الاحيان واوقات اكتير بيكونوا صادقين فى كلامهم
مشكـــــــــــــــــور على الموضـــــــــــوع

nour_3niy كتب:

شكرا اكتير على هيد الموضوع
هو فعلا موضوع يستحق النقاش
وانا بحجز اول تربيزه فى القهوه
وبدى اطلب واحد كوفى ماكس
ونوصل لمرحله جديده
تقبل ان تتزوج فتاه تعرفت عليها ع الانترنت
او تقبلى بزوج تعرف عليكى ع الانترنت
طبعا انا عمرى ما هوافق انى اتزوج من شخص اتعرفت عليه من على النت
لانى مو بعرف شخصيته مهما ان كان اتكلمت معاه
وكمان انا اكتي بقتنع ان الجواز من طريق النت
عمره ما بيكون حياه مستره بيناتهم
نوصل للسؤال الاساسي ف الموضوع ده كله
هل تحكم على الشخصيه اللى انت بتكلمها من خلال التعامل على الانترنت فقط
يعنى تعتبر نفسك علشان عرفت شخص ع الانترنت كانك تعرفه ف الحقيقه
هو ممكن تحكم على الانسان دا من خلال طريقه كلامه
بانه اكتير محترم وتكون عنه شخصيه فى خيالك
بس ممكن من طريقه كلامه تنخدع فيه
بس مش فى كل الاحيان واوقات اكتير بيكونوا صادقين فى كلامهم
مشكـــــــــــــــــور على الموضـــــــــــوع

نورتى القهوه يا نور
بس انتى قصرتى الكلام اوى
المفروض قعده القهوه دى نبقى رغايين اكتر من كده شويه
وبعدين عايز كل واحد يتكلم كلام عام غير انه يجاوب ع الاساله
وكمان نطرح اساله
علشان النقاش يبقى اكبر من كده شويه
عايزين نوسع القهوه يعنى ونعملها كافيه

وتانى اقولك نورتى القهوه

موضوع متميز للنقاش فعلا
الشباب والبنات بيتكلموا ع النت تعتبر مشكله لو كان الكلام بينهم غير محترم (مش كويس) وتعدوا الحدود المسموح بها
وفى ناس بتتعرف على بعض من المنتديات وغيره وبيكونوا ف منتدى الاحترام
والنقاش بينهم بيكون له حدود محدش بيتعداها فمفيش مشكله طبعا اما يكون كدا
و ممكن تتكون بنهم صداقه جاده ومحترمه ويستفيدوا من بعض حتى ممكن اى منهم لو تعرض لمشكله بياخد راى التانى ف حلها على الرغم ان كل دا من ورا الشاشه
معنى كدا انهم بيستفيدوا من بعض وينصحوا

ف ناس من اول مره تكلمهم بيبان من طريقه الكلام انهم كويسين جدا ومحترمين وفى ناس العكس (فى الوحش وفى الحلو)
يعنى الشخصيه بتكون واضحه حتى لو غلطنا ف الحكم على حد لازم بيجى ف مرة و يغلط ف كلامه فبيبان انه كداب

ممكن تتكون صداقه بنهم ومش شرط الصداقه تكون بين الولد والبنت فى بنات بتتعرف على بعض وبيكونوا اصحاب كويسين جدا

ارتباط النت
فى ناس كتير بترتبط من خلال النت بس الاغلبيه بيكون ارتباط غير مستقر فاشل وفى ارتباطهم بيكون ناجح
وانا اعرف ناس ارتبطت من النت وحياتهم مستقره جدا
بس اهم حاجه تكون الصراحه والصدق موجوده من البدايه بنهم ف كل حاجه الصغيره قبل الكبيره لان الكدب عمره مابيستمر
لو شخص عرفه ان خطيبته لها علاقات ع النت
الطبيعى ان اى شاب مش بيحب ان خطيبته تكون لها علاقات من النت او غيره
بس اذاكانت علاقتها بالناس ع النت فى حدودها وف منتهى الاحترام فمعتقدش ان فى مشكله
واجمل حاجه ان البنت يكون اهلها عرفين (ثقه الاهل ) بمعرفتها للناس سواء من المنتديات اوغيره
يعنى اما تقول لاخوها مثلا واكيد هو بيقول لها رايه وبينصحها لو كانت غلطت
المهم اى شاب لو شايف ان خطيبتك بتستخدم النت بطريقه مش كويسه فاكيد هيلغى الارتباط دا


انا عرفه انى طولت ف الحوار
فاسفه ع الاطاله

Nazert 3eniek كتب:

موضوع متميز للنقاش فعلا
الشباب والبنات بيتكلموا ع النت تعتبر مشكله لو كان الكلام بينهم غير محترم (مش كويس) وتعدوا الحدود المسموح بها
وفى ناس بتتعرف على بعض من المنتديات وغيره وبيكونوا ف منتدى الاحترام
والنقاش بينهم بيكون له حدود محدش بيتعداها فمفيش مشكله طبعا اما يكون كدا
و ممكن تتكون بنهم صداقه جاده ومحترمه ويستفيدوا من بعض حتى ممكن اى منهم لو تعرض لمشكله بياخد راى التانى ف حلها على الرغم ان كل دا من ورا الشاشه
معنى كدا انهم بيستفيدوا من بعض وينصحوا

ف ناس من اول مره تكلمهم بيبان من طريقه الكلام انهم كويسين جدا ومحترمين وفى ناس العكس (فى الوحش وفى الحلو)
يعنى الشخصيه بتكون واضحه حتى لو غلطنا ف الحكم على حد لازم بيجى ف مرة و يغلط ف كلامه فبيبان انه كداب

ممكن تتكون صداقه بنهم ومش شرط الصداقه تكون بين الولد والبنت فى بنات بتتعرف على بعض وبيكونوا اصحاب كويسين جدا

ارتباط النت
فى ناس كتير بترتبط من خلال النت بس الاغلبيه بيكون ارتباط غير مستقر فاشل وفى ارتباطهم بيكون ناجح
وانا اعرف ناس ارتبطت من النت وحياتهم مستقره جدا
بس اهم حاجه تكون الصراحه والصدق موجوده من البدايه بنهم ف كل حاجه الصغيره قبل الكبيره لان الكدب عمره مابيستمر
لو شخص عرفه ان خطيبته لها علاقات ع النت
الطبيعى ان اى شاب مش بيحب ان خطيبته تكون لها علاقات من النت او غيره
بس اذاكانت علاقتها بالناس ع النت فى حدودها وف منتهى الاحترام فمعتقدش ان فى مشكله
واجمل حاجه ان البنت يكون اهلها عرفين (ثقه الاهل ) بمعرفتها للناس سواء من المنتديات اوغيره
يعنى اما تقول لاخوها مثلا واكيد هو بيقول لها رايه وبينصحها لو كانت غلطت
المهم اى شاب لو شايف ان خطيبتك بتستخدم النت بطريقه مش كويسه فاكيد هيلغى الارتباط دا


انا عرفه انى طولت ف الحوار
فاسفه ع الاطاله

ياريتك تطولى كمان
كلامك حلو اوى
ومقنع
نورتى القهوه
ليكي اوردر هديه ع الكلام الحلو ده

zayan كتب:

دائما اجى متاخر
اطلب 15 نسكافيه وبرميل قهوة

المهم الموضوع

التعارف من ع النت لازم يكون بحدود دا الاول
البنت والولد ممكن يتعرفو ع النت ويحبو بعض زى الاخوات
متقليش يحبو بعد الحب ال احنا عارفينه ال بينتهى اما الجواز او الانتحار
ههههه حلوه الانتحار دى
التعارف ع النت معلش مضيعه للوقت اذا مكنش الكلام مفيد يعنى استفاده
مش واحد يقول لواحده انا حبيتك من اول كلمه مهو مينفعش اول نظره
وهيا ترد عليه وانا حبيتك من اول انتر

وحته الجواز من شخص تتعرف عليه من النت
I Dont Think Soo
لااعتقد ان دا ممكن يحصل
ولو حصل
صدقنى هتفشل جداااااااا

اسف على الاطاله علشان عندى شات مع البت بتاعتى بقا والكاميرا مفتوحه وهيجيلى برد النهارده

هههههههههههههههههههههه
عسل يا خواتى عسل
انا ال عسل
خساره والله حياتك تروح هدر المفروض تروح الهرم
سلالالالالالالالالالالام
فى قاعده جديده مع المعلم صاحب القهوه ال مدفعش الضرائب بتاعتها

نورت القهوه
وبس كتم ع الطلبات دى قولها ف سرك للضرايب تسمعك
والضرايب انا دفعتها ياعم
نورت القهوه يا سيدي
وارائك مقاربه لاراء الجميع

ولسه معانا نفس الموضوع ع القهوه
والظاهر ان الزباين بتهرب م القهوه
قهوتنا مش حلوه ولا ايه؟؟؟
انتو دافعين دافعين
عايز ادفع الضرايب

thank your hard work : ::

سلام أين أنتم يا أهل المنتدى ؟